Біз Қазақстанда спортты насихаттау үшін цифрлық шешімдерді белсенді дамытып жатырмыз. Мысалы, Қазақстан футбол федерациясымен және «Қайрат» футбол клубымен қызметтестік шеңберінде Қазақстан Премьер-лигасы мен Қазақстан Кубогының матчтарын Кинопоиск платформасынан көруге болады, ал Яндекс Плюс жазылушылары стадиондағы іс-шараларға қатысуға қоса, эксклюзив контент пен арнайы мүмкіндіктерге ие болады. Сондай-ақ біз Қазақстан хоккей федерациясының серіктесі атандық және ұлттық спорт түрлерін қолдаймыз: Yandex Qazaqstan Дүниежүзілік көшпенділер ойындары трансляциясының технологиялық серіктесі болды.

2024 жылы біз іздеу мүмкіндіктері мен үлкен генеративтік модельдерді ұштастыратын Нейро қосулы Яндекс Поиск сервисін таныстырдық. Сервис білім алуды оңайлата отырып, қазақ және орыс тілдерінде күрделі немесе көп құрамды сұрақтарға жауаптарды жылдам табуға мүмкіндік береді. Іске қосылғаннан бері күніне кемінде бір рет Нейроға жүгінетін пайдаланушылар саны 69%-ға өсті, ал сұрақтар саны 49%-ға көбейді. Қазақстанда күн сайын Нейроға қойылатын сұрақтардың үштен бір бөлігі білім беру тақырыбына арналғанын айта кету керек.

2025 жылы Нейро орнатылған Яндекс Поиск интернеттегі барлық ашық білімді пайдалана отырып, сұраққа қатысты ақпаратты бірден тауып, оны көлемді жауапқа біріктіруінің арқасында қазақстандық пайдаланушылар қанша уақыт үнемдейтінін есептедік. Белгілі болғандай, бір адам осылай күніне орта есеппен 30 минутқа дейін, аптасына 3 сағатқа дейін және 165 сағатқа дейін, ал жылына 7 күнге дейін үнемдейді.

2025 жылғы наурызда Yandex Qazaqstan бизнеске арналған сөйлеу сервистерінде колл-орталықтар мен қолдау қызметтерінің жұмысын автоматтандыруға көмектесетін ауқымды жаңартуларды ұсынды. Мысалы, Yandex Cloud бұлт платформасында жұмыс істейтін Yandex SpeechKit ауызша сөзді синтездеу және тану сервисінде жаңа екі әйел даусы қосылды: Сәуле мен Жанар. Олар орыс, қазақ тілдерін бірдей жақсы біледі және оларды араластырып та сөйлей алады, тілдер арасында бірқалыпты ауысады және түрлі эмоцияларды қолдайды: бейтарап, мейірімді және қатал болуы мүмкін.

Yandex Qazaqstan негізгі сервистері — Поиск, Браузер, Такси, Карты, Почта және басқалары — экранның мазмұнын дыбыстап, зағип пайдаланушыларға интерфейсті құлақпен естіп қабылдауға мүмкіндік беретін арнайы скринридер бағдарламаларына бейімделген. Есептік кезеңнің соңында 14 сервис мұндай функцияға қолдау көрсетті. Сервистеріміз әр жаңартумен қолжетімді болып қалуы үшін, жыл сайын ішкі қолжетімділік аудитін жүргіземіз.

Яндекс Карты қолданбасында пандустары бар баспалдақтарды ескере отырып, маршруттар құруға мүмкіндік пайда болды. Алматы мен Астанада барлығы 4,5 мыңнан астам осындай баспалдақ белгіленді — енді алгоритм оларды жаяу жүру маршруттарын салу кезінде ескереді. Бұл баспалдақтармен жүру қиынға соғатын адамдарға (мысалы, кішкентай балалары бар ата-аналар, багажы бар туристер және тірек-қимыл аппаратының ауруларына шалдыққан адамдар) маңызды. Ыңғайлы маршрутты қолданбадағы немесе сервистің веб-нұсқасындағы «Баспалдақтарды пайдаланбау» опциясын пайдаланып жасай аласыз, Карты аймақ туралы деректерді талдап, баспалдақсыз маршрутты таңдайды. Егер мұндай нұсқалар болмаса, Карты жолда пандусы бар және пандусы жоқ қанша баспалдақ кездесетінін ескертеді.

Біз есту қабілеті нашар жүргізушілер үшін сервистеріміз қолжетімді болуын жалғастыра береміз. 2025 жылы саяхат кезінде байланысқа көмектесетін жолаушыларға арналған ақпараттық карталарды да әзірледік және «Саңырау немесе нашар еститін жүргізуші» деп белгіленген арнайы бас киімдер жасадық. Оларды серіктес саябақтардан алуға болады. Сонымен қатар, негізгі оқу материалдары жүргізушілерге олармен танысуға ыңғайлы болуы үшін, ым-ишара тіліне аударылды. 2025 жылдың маусым айының соңына қарай Яндекс Go сервисімен есту қабілеті нашар 630 жүргізуші жұмыс істеді.

2023 жылдан бастап коммерциялық емес ұйымдарды (КЕҰ) қолдау жөніндегі тұрақты бағдарламаны жүргізіп келеміз, оның шеңберінде қайырымдылық қорларының қамқорлығындағы жандар мен және бейінді мамандары үшін тегін такси сапарларын ұйымдастырамыз. Такси сапарларымен қоса, қорлар Яндекс Go-дағы Доставка сервисі арқылы курьерлік және жүк жеткізу қызметтерін тегін пайдалана алады.

Қазір бағдарламаға 10 КЕҰ қосылған: Green Tal әлеуметтік кәсіпорны, «Өмірге сен», «Мүгедек балалардың ата-аналар қауымдастығы» (МБАҚ), «Милосердие» ерікті қоғамы, «Кең Жүрек», «Күн бала», «Тепло», Әлеуметтік инклюзивті бағдарламалар орталығы, ITeachMe және «Солнечный мир». Қоғамдық көлікті пайдалану қиынға соғатын қорлардың қамқоршылары үшін қала бойынша таксимен жүру — емделуге, оңалуға немесе оқуға ыңғайлы жету мен жолда уақытты үнемдеу мүмкіндігі.

Біз жоғалған адамдарды іздеумен айналысатын LIDER.KZ еріктілер қозғалысымен қызметтестікті жалғастырып жатырмыз. Бірлескен бастама аясында Яндекс Про платформасына қосылған жүргізушілер мен курьерлер жоғалған адамдар туралы жедел ақпаратты мобильдік қолданбадан алады. Мұндай өзара әрекеттесу іздеу мүмкіндіктерін кеңейтеді: такси жүргізушілері күн сайын қаланың түрлі аудандарында жүреді, ал курьерлер көлік сирек кіретін жерлерге — аулаларға, жаяу жүргіншілер аймақтарына, кіреберістерге — барады. Осылайша көп адамдар жоғалған адамды уақытында байқап, іздеу тобына хабарлай алады.

2023 жылы Яндекс Такси сервисі такси жүргізушілерінің әлеуметтік қорғалуын арттыруға бағытталған мемлекеттік пилоттық жобаны іске асыруға қосылған алғашқы платформа болды.

ЖК-жүргізушілерді ынталандыру үшін біз тапсырыстарды тарату кезінде басымдықты, комиссиясыз тапсырыстарға арналған промокодтарды, артықшылықтар бағдарламасында қосымша ұпайлар беруді қамтитын кешенді қолдау бағдарламасын ұсынамыз. 2024 жылдың қыркүйегінде біз елдегі бірден-бір болып, ал дүние жүзінде аздаған компаниялардың қатарында өзіне жүргізушілердің салық агенті функцияларын алды. Осының арқасында 85 мың жүргізуші медициналық сақтандыру, әлеуметтік төлемдер және зейнетақы алу құқығына ие болып, әлеуметтік қорғауға ие болды.

2024 жылды соңында Қазақстандағы стартаптарды қолдауға бағытталған бағдарламаны іске қостық. Қатысушылар бизнесті дамыту үшін Yandex Qazaqstan сервистерін пайдалануға кешенді рұқсат алады, оның ішінде қолданбалар мен сайттарға интерактивті карталарды интеграциялауға арналған API Яндекс Карты, бизнесті жылдам іске қосуға және масштабтауға арналған Yandex Cloud, ауа райына бейімделу үшін климаттық деректерге рұқсаты бар Яндекс Погода және клиенттерді тарту мен сауданы арттыруға арналған жарнамалық шешімдері мен аналитика мүмкіндіктеріне ие Yandex Ads.

2025 жылы API Яндекс Карты — бизнеске арналған картографиялық, геолокациялық және навигациялық шешімдер — Қазақстанда өз өнімдерінің жаңартуларын ұсынды. Пайдаланушыларға ғимараттар ішіндегі навигация, баспалдақтар мен пандустарды ескере отырып, курьерлер үшін икемді маршруттау және автомобильдік маршруттар үшін белгілі бір жол түрлерін ескермеу мүмкіндігі. Алматыда, Астанада, Қарағандыда және басқа да ірі қалаларда 150-ден астам нысанның жоспарлары қолжетімді.

Бұл жақсартулар соңғы миля жеткізуін пайдаланатын немесе жүк тасымалымен айналысатын компаниялардың жұмысын едәуір жеңілдетеді: бизнес қызметкерлердің жаяу және көлікпен қозғалысын тиімді жоспарлай алады.

Көптеген жылдар бойы біз жобаларды бірлесіп әзірлеу және хостингісіне арналған платформаларда технологияларды бөлісіп келеміз және мұнда бастапқы коды ашық өнімдер (open-source жобалары) жарияланады. Мысалы, 2025 жылдың ақпанында SourceCraft әзірлеуге арналған платформасын іске қостық, ол бірлескен пайдалану (shared) режимінде бағдарламалық өнімдерді әзірлеуге және дамытуға мүмкіндік береді. Платформада кодпен ыңғайлы әрі жылдам жұмыс істеуге арналған құралдар, ақылды навигация және кодты жылдам аяқтауға көмектесетін ЖИ көмекшісі ендірілген. Сондай-ақ Yandex Qazaqstan Perforator құралын ашық жариялады: ол код базасын талдауға және бағдарламалық жасақтамада тиімсіз сайттарды табуға арналған.

Техникалық жоғары оқу орындарының түлектері арасындағы гендерлік алшақтық мәселесін шешуге жәрдемдесу үшін жыл сайын әртүрлі елдерде, соның ішінде Қазақстанда өтетін Technovation Girls халықаралық бағдарламасын қолдаймыз. Бағдарлама қыздарға IT өнімдерін басқару машықтарын дамытуға көмектеседі: қатысушылар топ құрып, өзекті әлеуметтік мәселелерді шешуге бағытталған мобильді қолданбалардың прототиптерін жасайды. Әзірлеудің барлық кезеңдерінде командалар тәлімгерлерден сарапшылық қолдау алады.

2025 жылдың маусымы кезінде елдің түрлі аймақтарынан 2,3 мың оқушы қыз қатысты. Байқау қорытындысы бойынша сегіз команда халықаралық жартылай финалға өтті, олар 69-дан аса елдің қатысушыларымен жарыса отырып, Қазақстанның атынан қатысады.

Біз бейінді іс-шаралар ұйымдастырамыз, онда саладағы әріптестермен тәжірибе алмасуға, IT саласындағы өзекті тренділерді білуге және білімді жаңартуға болады. 2024 жылдың күзінде Алматыда Yandex Scale Kazakhstan конференция өткіздік, бұл шараға Қазақстанда цифрлық өнімдер мен шешімдерді жасаумен айналысатын 400-ден аса мамандар қатысты. 2025 жылдың маусымында Yandex Qazaqstan бизнесті басқарудағы технологиялық тренділерді, әсіресе ЖИ-ге негізделген шешімдерді талқылау үшін Y2B конференциясында ірі бизнес көшбасшыларының басын қосты. Іс-шара технологиялық бизнес пен цифрландыруға мүдделі корпоративтік сектор арасындағы диалог алаңына айналды.

Біз кәсіби өсу үшін түрлі мүмкіндіктерді, яғни білім беру курстары мен бағдарламаларды, профильдік іс-шаралар мен конференцияларды, мансап жолын өзгерту және жаңа бағыттарды көру, менторлардың тәжірибелерін сіңіру және қызметтестермен бөлісу мүмкіндігін ұсынамыз.

Жаңа жобаға қатысқысы немесе жаңа бизнес бөлімшесіне ауысқысы келетін қызметкерлер үшін ішкі Space сервисі қарастырылған. Ол арқылы компания ішінде ашық жұмыс орындарын тауып, оларға жауап бере аласыз, ротацияны бастап, оның статусын бақылай аласыз.

Квант ішкі білім беру платформамызда түрлі тақырыптар бойынша 3 мыңнан аса курс бар. Сондай-ақ, Yandex Qazaqstan компаниясының жеке дәрісханасы бар, мұнда дәрістер, воркшоптар, кәсіби және бейресми тақырыптар бойынша пікірталастар түрінде ай сайынғы офлайн және онлайн кездесулер өтіп, сыртқы сарапшылар мен қызметкерлердің өзі сөз сөйлейді.

2024 жылы Yandex Qazaqstan ProHunters HR-агенттігінің нұсқасы бойынша Қазақстанның үздік жұмыс берушілерінің көшбасшысы болды, сонымен қатар People Consulting нұсқасына сәйкес, Қазақстанның IT және digital саласындағы жұмыс берушілер рейтингісін бастадыы.